/p. 359/ adventu vaticinari; sic enim optime consultum
est Christianae Legis aeternitati». Tunc ego
iratus dixi: «Quid fingis? Quid somnias?». «Audi –
inquit ille – vetustae legis Prophetae cecinerunt
Messiam futurum, virum magnum, omnibus
exornatum virtutum dotibus, omni cultu
et veneratione dignissimum, quare occasionem
praebebant compluribus fingendi se
Messiam, ut illas praeexcelsas nominis laudes,
quae omnium titillant animos, consequerentur.
At Christus, Prophetarum Sapientissimus,
praedicit venturum novum legislatorem,
suae legi adversarium, qui erit Deo invisus, assecla
Daemonum, vitiorum omnium sentina
et orbis desolatio. Quare nemo se finget Antichristum,
cum non nisi dedecus et infamiam
inde consequi possit. Absente Antichristo,
Christi lex perennabit». Quas exsecrandas
blasphemias sic ego perstrinxi: «At Sacri
Vates praedixerunt Messiam contumeliosae
morti fore damnandum, quare non nisi
stultus vel Deus tanto vitae discrimini se
exposuisset. At Christus se exposuit. Ergo vel
stultus vel Deus erat. At per te non fuit stultus,
imo sapientissimus; Deus igitur». I. C. –
Scitissime. Sed quid ille? Alex. – Respondit sapientis
esse brevissimos iuxta et incertissimos
ac laboriosissimos nostrae vitae dies contemnere,
pro aeterni nominis gloria apud posteros
comparanda. I. C. – Nugas has in libello
De contemnenda gloria reiecimus. Sed obijcere
huic Atheo, non dicam homini, sed belluae